Lirik lagu Nadai Sapa Ulih Nganti - Natala & Tony Engkabi

Natala:
Nyau udah setaun lalu
Nuan udah ninggal ke aku
Nuan madah ninggal enda lama
Semina ngiga belanja aja

Tony Engkabi:
Nuan tinggal diau dimenua
Jaga diri enggau manah
Aku ngejang ukainya lama
Semina belelang setaun aja

Natala:
Ninting lemai duduk kediri
Nuan nadai enggau besemi
Janji tua simpan dalam ati
Nadai sapa ulih nganti

Tony Engkabi:
Aku enda bula ke semaya
Taja nadai dipeda mata
Ribut ujan bai pesan aku
Pengerindu meruan ke nuan siko

Ati aku nadai limpang ke bukai
Semina ingat ke nuan ambai

Natala:
Amat maioh penguji dalam ati
Nadai penglimpang sigi tuci

Tony Engkabi:
Pemulai aku ila ambai
Tua mantup pengelengau ati
Nadai sapa ulih nagang
Baka langit enggau bintang

Natala:
Nggai jauh ari nuan agi
Enda betah aku tinggal kediri
Seminit asai ke bebulan
Aku enda betah nuan

Lirik Lagu Iban: Nadai Sapa Ulih Nganti - Natala & Tony Engkabi