Lirik lagu Runggu Maya Gawai - Swaylin & David Kemay

I:
Lapa aya tak enda ragak
Begagau enggau urang ke setak
Urang mayuh chapuh begagai
Ngajat ngelingi tiang ranyai

Nuan enda baka taun ke udah
Enggau begagai nyadi pemungah
Pendiau nuan dipeda runggu
Kati ke bisi ati nuan nyilu

L:
Agi lembau aku begagai
Laban ati tak beadu nyamai
Kami menyanak enda begulai taun tu
Lebuh ke ngintu Gawai

Kami sebili lalu belaya
Ngujung ke kami lalu beserara
Aku mai ngintu di Beluru
Sida mai pulai ke ulu Belaga

I:
Aram begagai bungah enggau kami
Ngajat tauka muka pencah
Nadai guna nuan beraie
Ngasuh runding nuan tesat ngapa

Perindang ati bai begagai
Laban saritu maya Begawai
Anang ingat ke bini agi
Aku bisi nyadi ke ganti

L:
Minta ampun aku tu uwai
Ukai aku enggai ke nuan
Taja bajik meh indu bukai
Enda sebaka enggau bini aku

Bini aku peminat mayuh
Sigi bejuluk gantung sengayuh
Ukai enya baka nuan
Belajak baka pasu tempayan

I:
Sigi baka kitai mensia
Nadai enda nemu belaya
Sempama jaku aki enggau inek
Nah batu tungku nemu besengki

Nganti udah ngelebus Gawai
Ambi bini anak nuan pulai
Sebut baik ga bini nuan wai
Kasih ka anak nuan ngiga apai

L:
Nitih ka ati aku diatu
Pengudah Gawai ka ngiga baru
Nyangka ila ati nyau malie
Sapa enda sayau ke bini

Bini aku balat ngerengkang
Diasuh bgelulun pulut lemang
Kutap kutap kuchah kuchah
Baka kepayang ngada ke dilah

Lirik Lagu Iban: Runggu Maya Gawai - Swaylin & David Kemay