Lirik lagu Keladi Tuai - Winnie Albert & Swaylin

Winnie Albert:
Wai anang wai
Anang guai bepegai pegai
Enggai kami enggai
Ukai indu ba tisi jalai

Anang kita salah pelaba
Meda kami enjoy belama
Kami mina tindu ka happy aja

Swaylin:
Enti kami ka
Enda meh ka tekalanya
Iya ke peda
Nya mangsa sembelih aja

Anang ngumbai kami tu mudah
Taja gaya baka ke gerah
Jaku manah
Enggai ke mua nuan ku ludah

Winnie Albert:
Kita laki bangat keladi
Meda indu nyau gatal ati
Enda sedar kediri nyau pangkat aki

Swaylin:
Laban dalam balat perasan
Ngumbai diri agi mengancham
Enda sedar untak nyau dikebuk kaban

Swaylin & Winnie Albert:
Mimit dilayan
Nuan lalu jampat perasan
Ngumbai kami tu
Amat rindu deka ke nuan

Enda nemu ati kami tu
Mulut sulu ati bebulu
Bulat dalam
Ngelayan enggau bisi tuju

Winnie Albert:
Nya meh gaya keladi tuai
Mudah amai deka ngelumai
Enda berasai iya
Nyau betunggang kerepai

Swaylin:
Bisi duit ka ngiga lebih
Dini enda kena sembelih
Laban gauk amai
Ka bulih pemedih

Swaylin & Winnie Albert:
Tu meh cherita
Pengerindu ngelansa aja
Ngenang utai ke dipansa sebelah nya
Anang ringat meh kita ninga
Nyema kena pansa cherita

Tu endang pengidup urang kemaya dia
Tu endang pengidup urang kemaya dia

Lirik Lagu Iban:Keladi Tuai - Winnie Albert & Swaylin