Lirik lagu Adat Pesaka Bansa - Andrew Bonny James & Linda

ABJ:
Selambar sirih seilum pinang
Ke tanda pemuka jako
Kami datai deka merindang
Merindang enggau ati rindu

Hai pesaka lama tuai kelia
Anang muai nyadi lambang bansa
Ngambi dipeda ke bansa bukai
courtesy by: http://liriklaguibane.blogspot.com
ABJ & Linda: [2x]
Ukai buah sengapa buah
Di tanam urang di tanah rebuh
Kami duai ngenatai sembah jari sepuluh

Linda:
Makai sirih di dalam baku
Sirih dikunyah belipat tiga
Adat basa bisi penyiru
Ngayan pemanah pengeraja bansa

Enda patut di leka
Nyadi pesaka ke jemah ila
Patut di kembuan nanda pengaya bansa iban

ABJ & Linda: [2x]
Aram mandi besaum mandi
Mandi ai bekunsi dulang
Kitai idup biar bebudi
Di kenang urang

ABJ:
Enti mindah ke meno urang
Nadai rugi ngemaruh diri
Adat basa nyadi pemandang
Enda ulih di jual beli

Biar menoa maju
Tang adat asal patut di tanggam
Pengawa ti lama
Enggau penemu baru nyadi teladan

ABJ & Linda: [2x]
Pekara ti berat nyadi lempung
Sama beduruk begutung-ruyung
Adat ari rumah panjai bansa kitai

Linda:
Semut mati ketegal gula
Ikan mati laban tubai
Biar tubuh sarak enggau nyawa
Rega diri anang meh ngadai

Biar mati anak
Anang sekali ngelanggar adat
Berakup kitai teguh
Bepecah belah tau ngasoh runtuh

ABJ & Linda: [2x]
Sebeau kami nyurut kediri
Minta ampun ngagai semua
Aram sama ngetan adat pesaka bansa

Lirik Lagu Iban: Adat Pesaka Bansa - Andrew Bonny James & Linda