Lirik lagu Anang Ninga Berita Ngapa - Joannes Aman & Lydia Michael

Joannes Aman:
Aku ninga kita serumah
Gawai taun tu bisi bepekit
Pekit sapa enda nemu mutah
Perais duit seribu ringgit

Aku nemu duru enda alah
Semadi ujan nikal ke langit

Lydia Michael:
Bepekit nya endang amat bisi
Tang kada nuan ka nyadi masuk
Ku ninga nuan ari kemari
Enda ngetu ngetu ngali ubi abok

Anang nguji ngemalu diri
Enda kala ninga babi engkukuk

Chrs:

Joannes Aman:
Bedau di uji bedau ga temu
Pasal bepekit aku enda surut
Enti aku enda lumur satu
Orang bukai tau enda ibuh sebut

Anjung aja meh nama aku
Enggaika ila laun ngerepot

Lydia Michael:
Enti orang enda salah padah
Enda salah tusi enda salah tampung
Nuan tu meh ka udu mutah
Ketegal nuntum tuak segayung

Tambahka bisi tinggi darah
Irauka nuan dulu di pulung

Joannes Aman:
Anang ninga berita ngapa
Menang enggau alah aku enda takut
Nganti mata nuan empu meda
Nya baru mata nuan tepelut

Ngirup tuak nya nadai ngawa
Ukai nya bangat tak rachun rumput

Lydia Michael:
Jaku tinggi ngelambung bukit
Munyika amai enda nemu alah
Manah sedia beledi ke mit
Ngambika bisi endor nambun mutah

Nyema nau tak lumur enchit
Rangkai meh ngeli kami serumah
courtesy by: http://liriklaguibane.blogspot.com
Lirik Lagu Iban: Anang Ninga Berita Ngapa - Joannes Aman & Lydia Michael