Lirik lagu Gawai Tiga Sebuat - Andrewson Ngalai, Jeffrey Nyaloi & Ricky Jay

All:
Aram meh kitai ngabas
Orang ba punggang setak
Baka ke magi tabas
Bebagi ke arak

Rugi enti enda ampit
Enggau orang makai utai
Biar meh nyepi mimit
Masu nyawa rangkai

Andrewson Ngalai:
Orang ditu ngeriput nama
Malam tu legi bisi bepekit keling
Nyadi ko aku kitai tiga
Nguji ngapa enggau orang betanding

All:
Enda ibuh belema
Enda ibuh nombur satu
Asal meh bisi ngepan
Di kena beradu

Anang lemi semengat
Rugi enda ngeruh ai
Taja nadai penyigat
Tang pengering bisi

Jeffery Nyaloi:
Aku asai ke malu malu
Malu peda mata orang mayuh
Semadi enggai ke alah bulu
Pama meh kena nyukup ke tubuh

All:
Enda baka tuah manuk
Olih peda ba tisik
Tuah kitai tiga
Ukai nya olih tilik

Anang guai ensuruk
Anang guai ka nukung
Kati enti akim mabuk
Kitai tiga untung

Ricky Jay:
Uji seduai mending ke aku
Kitai tiga jenuh duduk di ruai
Ngasai ngasai umur diri empu
Ada serambau enggau jipun pulai

All:
Anang mayuh penumbuh
Anang ka macam-macam
Gamar kunyuh baka ke
Di telan ikam bam

Mina ngemalu diri
Nganjung mua diri empu
Manah tama ke bilik
Becerimin dulu

Manah gi kitai tiga
Manggang salai tengiling
Badu bekira ka enggau orang betanding

Tua tua bakatu
Enda ibuh minta puji
Manah agi meda ucu
Main bungai api
courtesy by: http://liriklaguibane.blogspot.com
Lirik Lagu Iban: Gawai Tiga Sebuat - Andrewson Ngalai, Jeffrey Nyaloi & Ricky Jay