Lirik lagu Sampi Gawai Malaysia Boleh - Ganing Asan

Maya ari begawai bela kiroh bansa kitai
Ngadang enggau besindang
Ngiga belanja bebeli ke utai
Baik ke diau di negeri
Tau ke diau di rumah panjai

Semak enggau ke jauh
Mupuk mupuk deka pulai

Tuak setajau tajau
Anang irau enggai ke enda ampit
Manuk enggau bebiau penganan enggau piring
Di gaga mimit

Lemambang udah di adang
Ngangau ke sida Petara di langit
Ngicha ke sida Menteri meri pemansang
Bela ampit

Dinga ke sampi lemambang
Anak besekula asuh pandai magang
Ngambi ke sida ila
Enda dudi nitih ke orang

Ninga nyawa tetalau
Nyawa lemambang ngangau petara
Anang beguai lenyau
Ngambi semua kitai tu ninga

Tuai rumah asuh bekeras
Ngansak nembiak ngambi peransang
Anang ngasuh sida iya lubah
Enggai ke alah laban orang

Orang nyau majak maju
Kitai agi betungkat dagu
Dinga ke dalam lagu
Malaysia boleh menua diatu
courtesy by: http://liriklaguibane.blogspot.com
Lirik Lagu Iban: Sampi Gawai Malaysia Boleh - Ganing Asan