Lirik lagu Busung Ngelangkah Sumpah - Julita James & Rickie Andrewson

L:
Ti ati udah sengkeman
Enda ulih di belah dua
Pengerindu makai di dalam
Baka api makai rimba

I:
Baka nya pengerindu tua
Baka tali simpul mati
Anchur tubuh dalam tanah
Enda ulih diserara agi

L:
Anang ngerumbau ke buah
Anang ngemali ke tanah
Ngalak ke baru bebungai
Enggai ke enda nyadi ngerembai

I:
Enda aku tulah ngelangkah
Enda aku busung ngelangkah
Aku bepenti pemali 
Ngamai ke jako diri

[chorus]
L/I:
Anang ngemuntan
Jalai ti bepangan
Nadai penangul 
Enggau nadai penekul 
Ati ke siru enggau pangan diri
Baka perau ditancang enggau tali
Ooo....o..o..besaum ati

[chorus]
L:
Enti puntan di tengah jalai
Ukai rumbau enda bebuah
Enti ati udah ngerekai
Ukai reti enda dikupas

[chorus]
I:
Enti bungai nyau gugur layu
Kesulai terebai nyeligau jauh
Meragai tangkai nyau nyadi punggu
Dibuai nyau tinggal pugu

Lirik Lagu Iban: Busung Ngelangkah Sumpah - Julita James & Rickie Andrewson

---

>> Click Here for more Lirik Lagu Iban: Julita James & Rickie Andrewson << - www.liriklaguiban.com

---