Lirik lagu Indu Pemudi - Maxwell Franklin Saran

Terubah betemu beperening moa
Moa nuan chiru nyilau ke mata
Lebuh nuan ketawa bisi lubang pemula
Enda berasai ku maie nuan bekelala

Sinu aku ninga jako tusi nuan
Di lengka ambai lama nuan suba
Enggau sabak sereta sintak
Nuan mantai semoa sebana
Madah kediri diau sebatang kara

Aku lalu ngambi nuan ke sulu
Tambah mega tua sigi serambu
Enda nyalah baka tangga
Tangga ti ngumba ke lalau
Baka dampa ti ngumba ke langkau

Lebuh tua duduk bepegai jari
Siko lelaki datai lalu ngeransi
Nasib ku maie pengaruh
Baju karung kirai besi
Nya meh nyadi dinding tubuh diri

Ngasuh iya surut takut
Lari burak tapa kaki
Baka ti di gagai antu gerasi

Aku pansik pansik sapa lelaki nya
Baru aku nemu iya tunang nuan
Asai ke dipandam dada
Asai turun darah moa
Nadai ku nyamgka nuan semina beduan
More On: http://www.liriklaguiban.com

Sangka ku nuan suba manah budi
Nemu nya nuan tu indu pemudi
Aku sempama buyah nabak kediri ba api
Nganjung diri ke jalai pemenchi

Semina ngagai Petara aku nyada
Minta pengasih sereta penyinu
Aku nyau nadai daya
AKu nyau pandak kira
Nenyu jalai pengidup diri empu

Diatu pengarap aku
Anchur luluh nyadi debu
Baka kaca tepangka ba batu

Lirik Lagu Iban: Indu Pemudi - Maxwell Franklin Saran

---

>> Click Here for more Lirik Lagu Iban: Maxwell Franklin Saran << - www.liriklaguiban.com

---